مواد العزل الخاصه بالبناء
السلام عليكم
هانتكلم انهارده عن مواد العزل الخاصه بعزل المياه و انواعها و اسعارها و طرق استخدامها و انواع الشركات المنتجه لها و ايه الافضل
اولا الانواع
بوتامين على البارد
بوتامين على الساخن
اولا بوتامين على البارد و ده طبعا من نوعه انه بيتسخدم فى الحاله بتاعته و هو بارد ويتم تخفيفه بالمياه و الدهان على الاسطح المراد عزلها و ده بيعزل الاسطح من الداخل لمنع تسريب المياه من خلال الخراسانات ولا بد من تنظيف الاسطح جيدا وان تكون خاليه من اى رواسب او اى اتربه حتى يعمل المستحلب البيتومينى بشكل جيد وبيكون فى منه اكتر من 12 نوع وبيتراوح سعر البستله من 25 جنيه الى 255 جنيه على حسب الجوده و الشركه المصنعه
انواع الشركات المصنعه من الافضل الى الشعبى :-
اولا شركه كيماويات البناء الحديث
- سيروتكت بلاست و بيكون سعره فى حدود 255 تقريبا
- سيروتكت 1 وبيكون سعره فى حدود 200 جنيه تقريبا
ثانيا شركه سايبس
- بستله برسيل و ده سعره بيكون فى حدود 125 جنيه تقريبا
ثالثا شركه سكيب
- بستله بيربيلد و ده بيكون سعره حوالى 95 جنيه تقريبا
رابعا شركه ابو العزم
- وده بيكون سعره حوالي 85 جنيه تقريبا
خامسا شركه وفا
- بستله لوكس و ده بيكون سعره 65 تقريبا
- بستله 999 وده بيكون سعره 25 جنيه تقريبا
سادسا شركه جور
- بستله جور و ده بيكون سعره حوالى 75 جنيه تقريبا
ده تقريبا اسعار الشركات المتخصصه فى صناعه العزل على البارد و انواعها و طريقه استخدامها
وتعتبر افضل شركه هى شركه كيماويات البناء الحديث
تعليقات
إرسال تعليق